下文咩？陈大富唔系已经否认左喇咩？」鸡雄隐约记得先
几日睇新闻睇过。
肥老闆就话：「哦！系呀！不过今日生果报又爆料，话陈大富个女一直都冇
蒲头，怀疑佢根本未赎返出黎喎！」
「车！生果报都信得过既！」鸡雄嗤之以鼻咁笑。
「咁又系……」肥老闆都同意：「不过今次佢摷埋张相出黎喎，你睇下，条
女原来都几『试正』架喎。」
「系？咁就要见识下喇！」鸡雄一手拎左张报纸过黎，见到上面登左张学校
映果Ｄ全班大合照出黎，仲有个放大左既红圈圈住其中一个女仔添。
「普通料，一般般啦……」鸡雄一面弹一面望左两眼，张相其实都几矇，不
过勉强都睇得出个女仔既轮廓生得几靓……
「车！咁高要求？够薑就去沟件返黎畀我睇下丫？」肥老闆一句窒过去，一
手想抢返份报纸。但系鸡雄冇放手，仍然眼定定咁望实张相。
「你做乜呀？Ｓｈｏｒｔ左牙？」肥老闆大声笑佢：「你咪话畀我听你识得
佢呀！」
「唔……唔系……」鸡雄回一回神，口窒窒咁。
……佢唔系识得陈大富个女，不过佢认得企晌佢侧边果个！
……果个，竟然系Ｃａｒｏｌ！——
果晚返到屋企，鸡雄一直留意往头房果边既情况，一见到Ｃａｒｏｌ出黎去
厕所，佢即刻企定晌走廊等佢。
Ｃａｒｏｌ去完厕所出黎，一开门就见到鸡雄企晌出面，就笑笑口咁同佢打
招呼：「雄哥，咁岩既，你又去厕所牙？」
「唔系！你跟我黎，我有Ｄ野要同你讲……」趁住包租公同光头伯去左晨运
未返，鸡雄神神秘秘咁拉左Ｃａｒｏｌ去后门度，凑埋去细细声同佢讲：「你唔
驶再呃我喇，我已经知道哂你地Ｄ野！」
Ｃａｒｏｌ即刻面青，有少少口震咁话：「你乱讲Ｄ乜野呀？」
「仲想呃我？」鸡雄咄咄逼人咁再贴埋Ｄ：「陈大富个女单野系咪你地做既？
哼！估唔到你好眉好貌，好既唔学，竟然学人去标参勒索？」
Ｃａｒｏｌ既面口当堂由青变白，仲冲口而出咁话：「你……你点知架！」
鸡雄大获全胜，都唔记得左扮好人，连面目都有少少狰狞起上黎：「你咪理！
哼！我而家就走去报警！」只手已经摸紧个手机……果阵晌佢心入面都十五十六，(责任编辑：admin)
本章未完，请翻开下方下一章继续阅读