病架，不如返屋企先啦……」
Ｊａｃｋｙ依然一Ｄ反应都冇，於是鸡雄都唔理得咁多，一手拖实佢就行。
Ｊａｃｋｙ成身湿哂，成个公仔咁，呆呆咁任得鸡雄拖住行，不过一路行就一路
震……仲一路流马尿……
鸡雄睇到都有Ｄ唔忍心，於是又安慰佢话：「喂，女去女还在丫嘛，大丈夫
个患无妻喎，听日沟过第二件咪得啰！」
Ｊａｃｋｙ终於有反应，佢怒啤左鸡雄一眼，又喊住咁闹佢：「我Ｄ野关你
个你个猥琐佬也事呀？你识得乜野叫做爱咩？」
「识闹我即系已经冇事啦！」鸡雄一手递返把遮畀Ｊａｃｋｙ自己担，跟住
又串返佢话：「系喇！你乜都叻哂！超！你估全世界得你一个人谈过恋爱？我阿
雄粗人一个，乜都唔识，当然冇你咁识得『爱』人啦！我剩系知道爱一个人系要
令佢开心幸福，而唔系夹硬要将佢留晌身边，甚至不惜伤害佢，令佢伤心……」
「乜野喎？Ｃａｒｏｌ同我一齐都唔知几开心呀！」Ｊａｃｋｙ即刻反驳。
「开心个屁！」鸡雄一句闹返过去：「佢根本就唔想同父母分开，你夹硬迫
佢同你私奔，根本就系伤害紧佢！」
「我冇……」Ｊａｃｋｙ哑口无言咁。
「你有！」鸡雄闹开有瘾，又继续闹Ｊａｃｋｙ：「你自己唔锺意男人就算
啦，做乜迫Ｃａｒｏｌ陪你搞基喎。佢好人好姐，好应该正正常常咁搵返个男仔
谈恋爱架！」
Ｊａｃｋｙ好嬲咁：「你歧视我！」
「系呀！我系歧视你个死基婆呀！咁点丫？搵人拉我丫笨？」鸡雄直认不讳：
「好好地一个女人唔去搵男人拍拖结婚大肚生仔，偏偏违背天理去同我地Ｄ男人
争女，香港地已经冇乜靓女架啦，你仲要黎同我地争？分到薄哂，你话唔系变态
系乜野？如果个个女仔都好似你咁，唔驶等乜野地球暖化、２０１２，就已经世
界末日啦！你呀……咪就系你呢Ｄ人搞到人类灭亡架啰！」
哗！咁大条罪名责落黎，Ｊａｃｋｙ都畀鸡雄吓左一跳，一时间竟然谂唔到
藉口反驳。
佢地两个人一路闹一路行，唔觉唔觉原来就快行到返屋企楼下。点知一转到
入街口，Ｊａｃｋｙ即刻停低左脚步，仲一手拉住鸡雄唔畀佢行：「咪行住，你
睇下……」
跟手指住佢地楼下……
鸡雄望过去，见到有两架黑色大ＢＥＮＺ停左晌度。
「……系……系咪你老豆Ｄ人呀？」
本章未完，请翻开下方下一章继续阅读