之后赵左佢只
处女猪……两个人岩岩倾掂数，谂住继续逃亡既时候，点知一出门口就遇伏…
…）
鸡雄都唔知晕左几耐？到佢醒返既时候，眼前仲系漆黑一片，个后脑仲系火
辣辣咁痛。佢勉强拧左下头，先发觉自己双手双脚都畀人绑到实，紮到成只粽咁，
周围就黑妈妈。
鸡雄感觉到浪下浪下咁，又听到Ｄ低沉既引擎声……猜测自己应该系畀人用
麻包袋装住，困左晌车尾厢。
……不过，架车唔知去紧边度呢？
鸡雄个心当然好惊！虽然唔知自己畀乜野人捉住，但系将佢五花大绑，断估
都唔会请佢返屋企食餐饭咁简单喇挂？
鸡雄又好担心Ｊａｃｋｙ，担心佢唔知会唔会一样畀人捉住？佢仲发紧烧架
……
架车唔知行左几耐，鸡雄终於感觉到架车停低左。跟住「卡」一声，一阵新
鲜而冰寒既空气忽然涌左入黎，仲好似听到Ｄ海浪声添……鸡雄又感觉到自己畀
人成个抬起，跟住个背脊就撞左落地，痛到佢当堂大声嗌左出黎：「哎呀！」
「强哥，条茂利醒左！」鸡雄听到有人讲野，跟住个肚腩就畀人踢左一脚。
「哼！」系另一把声：「呢条死剷连老闆个宝贝女都敢拐带，简直系胆生毛，
九条命都唔够死！」
鸡雄听到心惊胆战，即刻开口大声嗌：「大佬，你地搞错左，误会黎咋！
哎……」又食多左脚！
「你落去地狱同阎罗王解释啦！」个男人哈哈大笑，跟住又话：「快手Ｄ搬
埋车尾果几个哑铃出黎，绑埋落个麻包袋度先啦，掟完佢落海仲要赶返去开工架！」
鸡雄感觉到有人晌自己对脚度又绑左Ｄ野，吓到当堂标尿，一味大声嗌：
「救命呀！冤枉呀……」都未嗌得两声，个头又畀人踢左两脚，踢到佢口都爆埋，
牙都甩左几只，想叫都叫唔出声。
「呢次玩完喇！」鸡雄心谂。估唔到自己咁鬼后生就要去见阎罗王……
晌临死前呢一刻，鸡雄心里面忽然间谂返起好多野……
佢记返起果个细细个就掉低佢唔理既阿妈、又谂起佢个死鬼老豆；佢仲好挂
住佢个大姨妈，佢照顾左自己咁耐……睇黎自己想报答返佢都冇乜机会咯！
鸡雄又谂起Ｊａｃｋｙ，谂起自己唔觉意食左佢只猪，所以好想同佢讲声(责任编辑：admin)
本章未完，请翻开下方下一章继续阅读