训左晌条横巷，成身痛到好似散哂咁，不过
身上面Ｄ绳就已经畀人解开哂。鸡雄坐起身，挨晌墙度抖左好耐至够力企返起身。
当佢扶住幅墙慢慢行返出大路，先发觉自己原来离开屋企只不过两个街口。
鸡雄忍住痛，拐下拐下咁行返屋企；一路上Ｄ人都好奇怪咁，眼金金咁望实
佢……
一入到屋，包租公已经走左埋黎：「哗，鸡雄你搞乜鬼？成身都系血，块面
又肿到成个猪头咁？畀人打劫牙？」连光头伯同肥标都走埋出黎。
「系……系挂……」鸡雄支吾以对咁。
「你坐低抖下先啦，驶唔驶帮你报警呀？」
「唔驶，我都冇事咯……」鸡雄见头房度门打开左，就问：「系喇，包租公，
琴晚……」
包租公即刻好似像好兴奋咁：「哗！真系讲你都唔信！头房条『靓仔』原来
系陈大富个『女』黎架！琴晚陈大富仲亲自杀上黎搵佢添呀！最衰当时我惊得滞，
冇谂起同佢映返张相，如果唔系，同佢映张相，镶起佢挂晌厅度都唔知几威？」
「系啰！」光头伯跟都附和住话：「果个外卖仔就正啦，听讲佢报一报寸就
赚左五十万喇！」
「咪系！」肥标愤愤不平咁：「不过有乜好讲喎！鬼叫我地同人住埋同一间
屋都走漏眼咩？」
鸡雄听下听下，虽然知唔哂全部，不过都已经估到七、八成：「咁……咁而
家Ｊａｃｋｙ佢地点呀？」
「边个『积……奇』呀？」包租公好好奇咁问。
「咪即系陈大富个女啰！」鸡雄先醒起佢地根本连Ｊａｃｋｙ个样都未望真
过，当然唔知佢个名啦！
「哦……」光头伯摸下自己个光头：「今朝去公园晨运果阵听到Ｄ街坊讲，
好似话天濛光果阵见到班人晌街口果边挟左个靓仔上车，听佢地形容果条靓仔个
样，应该就系陈大富个女……」
「咁即系Ｊａｃｋｙ最后都畀佢老豆捉返……」咁都好Ｄ……鸡雄估计佢应
该冇事，都放心左少少。
「喂，鸡雄，」包租公忽然好似好怀疑咁望实鸡雄：「你个样古古惑惑咁，
好似知道好多野咁喎！」
「痴线啦你！我知你阿妈系女人！」鸡雄懒得啋佢，起身打左个电话返茶餐
厅请病假，跟住就返入房扑左上床……佢琴晚都冇乜点训过，又畀人打左一身，(责任编辑：admin)
本章未完，请翻开下方下一章继续阅读