既第一个男人，亦都会系最后一个……」
「Ｃａｒｏｌ……」鸡雄真系感动到喊左出口……——
跟住果几日，鸡雄就战战兢兢咁回复返佢平时既生活。唯一唔同左既，就系
佢真系的起心肝，放左工之后竟然学人去返夜学！佢知自己读唔成书，於是走去
学西厨。
……自从果日Ｃａｒｏｌ向佢表明心迹之后，鸡雄就下定主意要重新振作！
……为左Ｃａｒｏｌ，亦都为左佢同Ｃａｒｏｌ既未来。
见到鸡雄为左自己咁上进，Ｃａｒｏｌ当然好开心啦。佢非常支持鸡雄，日
日放左学都会走上鸡雄屋企同佢执屋，当正自己系佢老婆仔咁，仲夹硬拉住鸡雄
去开左个联名户口，将自己Ｄ私己钱都放哂入去添……（美其名就话一人一半啦！）
个傻妹仲晌佢老豆果度听埋Ｄ股票贴士，学人炒下炒下，都唔够一个月就已经话
畀鸡雄听，佢地赚左百几万添。
鸡雄无端端多左个又靓又后生又有钱既老婆仔，当然系开心都见牙唔见眼啦
……
而为左衬得起Ｃａｒｏｌ，佢都决定「洗底」，一於将过去果个「贱男鸡雄」
彻底毁灭！
第一步就系辞左份工，Ｃａｒｏｌ帮鸡雄晌佢世伯间酒店度搵左份「帮厨」；
又帮佢租左间楼，等佢慢慢离开以前果个世界……鸡雄乜野都重新开始，直头好
似脱胎换骨，成个人都唔同哂！佢真系非常畀心机做野同读书，连个酒店大厨都
好赏识佢。
如是者好快就过左成半年，陈大富Ｄ人冇再出现过，而鸡雄亦都成功挨过左
试用期，仲有人工加添。佢失落左成三十年既自信终於都返哂黎，感觉自己似返
个人！
而佢亦都第一次答应Ｃａｒｏｌ，肯陪佢去参加佢Ｄ朋友既生日会……
果朝鸡雄晌Ｃａｒｏｌ悉心打扮之下，着住成套老西，望落又真系几英明神
武咁喎；
同Ｃａｒｏｌ行埋一齐都唔觉太突兀。
而就晌佢地两个甜甜蜜蜜咁翘埋手行出大厦门口果阵，一眼就见到有两架黑
色既大ＢＥＮＺ停左晌门口……
十五、迫婚——
（前文提要：Ｊａｃｋｙ终於都畀佢老豆押左出外国，而鸡雄就死里逃生，
仲同左Ｃａｒｏｌ晌一齐，两小口甜甜蜜蜜咁准备面对美好既新生活。不过，世
事会唔会咁尽如人意呢？）
本章未完，请翻开下方下一章继续阅读