我不如死左佢好过！」
「阿雄…」Ｃａｒｏｌ忍唔住揽实佢大声喊：「陈Ｕｎｃｌｅ，如果你要杀
死雄哥，咁你杀埋我啦！」
「爹地…」Ｊａｃｋｙ又再开声：「玩够喇！我都话佢地两个唔会应承架啦
…」
陈大富笑左笑：「好！」跟住又招手叫鸡雄同Ｃａｒｏｌ坐低，先饮左啖茶，
然后先施施然咁话：「算你好彩，呢铺畀你条靓仔扑中左！」跟住又哈哈大笑话：
「我陈大富个女婿，你估真系咁容易做架咩？」
「话你听，我好锡Ｊａｃｋｙ，佢唔愿意既事我点都唔会迫佢做…」佢停左
一停，望左下Ｃａｒｏｌ：「当然，搞基例外！」Ｃａｒｏｌ当堂面红。
「当我听到Ｊａｋｃｙ畀你搞大左肚果阵，开头真系嬲到想杀左你，不过跟
住…反而有Ｄ开心喎…因为我知道Ｊａｃｋｙ唔锺意男人，我亦都唔想勉强佢去
嫁人；但系我又冇仔，如果Ｊａｃｋｙ唔结婚，我陈家咪绝后？咁我Ｄ家产将来
留畀边个好呀？而家我终於有个孙…」
Ｊａｃｋｙ补充左一句：「岩岩照过，确定左系仔！」
陈大富一边行来行去，一边搓搓下对手慢慢话：「既然你唔想娶Ｊａｃｋｙ，
而佢又一样唔想嫁你…」
「…」鸡雄即刻眼都大哂咁望实Ｊａｃｋｙ。不过Ｊａｃｋｙ拧歪面，根本
唔望佢。
陈大富又话：「咁我都唔想勉强你地…」佢又望下鸡雄：「而且睇来睇去，
你条死靓仔都未够班做我陈大富个女婿…虽然…」佢又补充左句：「我都好欣赏
你咁有志气，为左所爱既人咁勇敢…所以你放心，我会负责帮你搞掂Ｃａｒｏｌ
个爹地，叫佢唔好反对你地。」Ｃａｒｏｌ当堂好感激咁望实Ｊａｃｋｙ，又好
温柔咁捉实鸡雄。
鸡雄其实觉得陈大富系晌度瘀紧佢，不过佢当然唔敢驳嘴啦。
陈大富又话：「算你好彩！如果唔系睇在Ｊａｃｋｙ份上，其实我大可是但
搵个人搞掂你，令你永远都出唔到声！」鸡雄当堂一额汗。
陈大富一扬手，即刻有人拎左份文件入黎，放左晌鸡雄面前：「拿，呢份协
议书既内容，系要你放弃Ｊａｃｋｙ肚里面果个苏虾既抚养权，而且唔准向任何
人透露你系苏虾爸爸呢件事…」
Ｃａｒｏｌ已经拎起份文件，好快咁睇左一次，跟住又同鸡雄点左点头话系…(责任编辑：admin)
本章未完，请翻开下方下一章继续阅读