竟然斗胆到同Ｊａｃｋｙ争女，仲炒大镬添。Ｃａｒｏｌ夹左晌中间，都几
可怜架……）
原来Ｊａｃｋｙ自细就有同性恋倾向，最憎男人，剩系锺意女仔。佢老豆陈
大富见个女成日同Ｄ女仔群埋一齐，而且仲越来越过份，惊佢真系会变左「蕾丝
边」，所以咪想迫佢去外国留学，由佢晌果边既妈咪看管啰。点知Ｊａｃｋｙ已
经沟掂左Ｃａｒｏｌ，仲搞到难舍难离添。陈大富嬲起上黎，一於棒打鸳鸯，唔
单止唔畀Ｊａｃｋｙ返学，直头软禁左佢晌屋企，谂住到时就押佢上飞机。
压力越大、反抗就越大！Ｊａｃｋｙ偷偷地走左出黎，仲叫埋Ｃａｒｏｌ一
齐着草走佬添。好彩ＣａｒｏｌＤ旅行证件畀妈咪Ｋｅｅｐ住，所以先走唔成咋。
最后佢地决定先匿埋一头半载，谂住慢慢迫Ｊａｃｋｙ老豆就范。反正Ｊａｃｋ
ｙ同Ｃａｒｏｌ手头都大把钱，平时佢地两个Ｄ零用钱加埋已经足够佢地一、两
年既生活费。由於唔敢太张扬，所以佢地先至会拣左大角嘴呢Ｄ旧区，谂住实唔
会畀人发觉；点知最后都系衰左晌鸡雄呢条无聊兼八卦既麻甩佬手上。
鸡雄听完佢地个古仔之后，心里面又试十五十六。佢当然好想要果五十万花
红啦！不过又唔想畀个坏印象Ｃａｒｏｌ喎……
呢次死火喇！鸡雄怀疑自己可能锺意左Ｃａｒｏｌ添喎！
「点呀？反悔拿？决定左要几多未呀？」Ｊａｃｋｙ见鸡雄唔出声，又开始
串佢：「睇死你系见钱开眼果Ｄ贱人黎架啦！Ｃａｒｏｌ，你咪听佢点啦！」
「有钱唔系大哂架！我一毫子都唔会要！」鸡雄掘左佢一眼，把心一横，索
性扮正义扮到底：「你放心……我唔会爆你地出黎既！」跟住又补充话：「不过
我只系畀面Ｃａｒｏｌ，唔系因为你个死男人婆！」讲完又眼金金咁望实Ｃａｒ
ｏｌ。
Ｊａｃｋｙ一睇就知鸡雄对Ｃａｒｏｌ起痰，当堂又想发难：「你个死人猥
琐佬想点呀？我话你听……你咪驶旨意沟我条女呀！」不过又畀Ｃａｒｏｌ拉住
左。
Ｃａｒｏｌ就喊哂口咁：「Ｊａｃｋｙ，你咪咁啦！雄哥都唔系咁意思！」
「咪系！好人当贼扮！畀个良心你就当狗肺！」鸡雄乘机落井下石：「而且
就算我真系想沟Ｃａｒｏｌ，你又奈得我何咩？你以为你自己真系男人牙！你冇
柄架！」
畀人督正死穴，Ｊａｃｋｙ唔嬲就瓦烧，
本章未完，请翻开下方下一章继续阅读