Ｃａｒｏｌ禁都禁唔住！唯有琴琴
青扑过黎推左鸡雄出房。Ｊａｃｋｙ唔敢出黎，Ｃａｒｏｌ就拉左鸡雄埋一边。
鸡雄见Ｃａｒｏｌ仲系梨花带雨咁，就捉实佢对手道歉：「对唔住呀！我头
先专登激Ｊａｃｋｙ架咋！因为我见佢对你咁恶，实在睇唔过眼。」
「我知道……」Ｃａｒｏｌ伸手抹左Ｄ眼泪：「其实你肯同我地保守秘密，
我好多谢你呀！Ｊａｃｋｙ佢平时唔系咁架，佢好温柔架。」
「系咩？我睇唔出喎！」鸡雄又啤左下晌门罅度庄出黎既Ｊａｃｋｙ一眼：
「咁啦，Ｃａｒｏｌ，以后如果你地有Ｄ乜野需要帮手既，就搵我啦！」
「真系？」Ｃａｒｏｌ好开心咁望实鸡雄：「我想同爹地妈咪报个平安呀
……
我呃佢地同同学去宿营。过左成个星期，佢地一定会好担心架！」
「乜你冇打电话返去咩？」
「我唔敢呀！」Ｃａｒｏｌ眼湿湿咁：「Ｊａｃｋｙ话佢爸爸同我爹地咁熟，
一定会怀疑我跟左佢走架！话唔定仲会请私家侦探偷听我屋企电话添，佢惊会畀
人查到我地匿晌边度喎。」
「咁又系……」鸡雄记得睇电视剧，Ｄ警察都可以凭住个电话就查到Ｄ疑犯
既位置晌边度。
「咁你特登去郊区打电话咪得啰！」鸡雄谂到条计：「拿，直头去离岛搵间
渡假屋再打电话返屋企，扮真系同第二个宿紧营啰！」
Ｃａｒｏｌ谂左一谂：「咁……都唔系唔得喎。」跟住就拉返鸡雄入房。
Ｊａｃｋｙ见Ｃａｒｏｌ同鸡雄返返入房，都有少少愕然。Ｃａｒｏｌ就将
鸡雄既计划讲畀佢听，仲话：「如果你爸爸唔再怀疑我同你晌一齐，咁你以后咪
仲安全？
而且我又可以返屋企，想办法拎返本护照，到时我地咪可以远走高飞啰！」
Ｊａｃｋｙ原本死都唔同意鸡雄既主意，不过听到Ｃａｒｏｌ最后果句「同
佢远走高飞」，当堂冇野讲——
於是第二日鸡雄就请左假，自告奋勇陪Ｃａｒｏｌ入长洲搵渡假屋。原本Ｊ
ａｃｋｙ死都唔肯畀Ｃａｒｏｌ一个人同鸡雄出去架，但系Ｃａｒｏｌ话唔通叫
佢一个人去宿营咩？有鸡雄陪住，其他人先唔会怀疑家嘛。
Ｊａｃｋｙ冇办法，唯有死死地气咁应承，但系又凶神恶杀咁凶鸡雄，话如
果佢敢掂下Ｃａｒｏｌ一条头发，佢一定会杀左佢。(责任编辑：admin)
本章未完，请翻开下方下一章继续阅读