Ｊａｃｋｙ当堂开心到声泪俱下，左一手眼泪，右一手鼻涕咁，捉实鸡雄只
手猛咁摇。
鸡雄叹左口气，唯有死死地气拎左两把遮，陪左Ｊａｃｋｙ落街。佢地唔敢
晌附近打电话，只有冒住大雨行多两条街口，搵左个公众电话亭。Ｊａｃｋｙ即
刻扑左入去，好心急咁入钱打电话，仲紧张到连个大饼都跌左落地添……
果阵Ｄ雨落得鬼死咁大，鸡雄就算担住把遮一样全身由头湿到落脚。佢睇住
Ｊａｃｋｙ晌电话亭里面讲到好似好激动咁，心知Ｃａｒｏｌ梗系讲紧唔肯同佢
走佬既事。
Ｊａｃｋｙ越讲越激，一面讲一面猛咁用拳头打个电话亭块玻璃，仲打到
「砰砰」声响。
鸡雄又唔系担心会畀Ｊａｃｋｙ打烂，因为果块系不碎胶，佢担心Ｊａｃｋ
ｙ只手多Ｄ……
因为佢见到Ｊａｃｋｙ个拳头已经打到流哂血。
最后，佢听到Ｊａｃｋｙ大声咁嗌左两声：「Ｃａｒｏｌ……」跟住就揽住
个电话晌度大声喊……忽然间又发左狂咁冲左出黎，好似黐左线咁晌条街度乱走
乱叫，又乱咁踢街边Ｄ路牌同垃圾桶，完全唔理自己成身都畀Ｄ雨淋到湿哂。
鸡雄见佢癫成咁，都唔敢行埋去劝佢，只有任得Ｊａｃｋｙ癫左一阵……不
过终於都系唔忍心，冲上去想拉住佢。点知Ｊａｋｃｙ癫起上黎，扯住鸡雄就乱
打乱踢，口里面大声喊住话：「Ｃａｒｏｌ唔要我……Ｃａｒｏｌ唔要我……」
鸡雄中左佢几野，虽然唔系好痛，可过个心都嬲嬲地，於是又行埋一边唔鬼啋佢。
只见Ｊａｃｋｙ发完一大轮癫之后，终於都静返落黎，成碌木咁企晌路中心，
任Ｄ雨照头淋……——
鸡雄陪住Ｊａｃｋｙ晌大雨中淋左大半粒钟，真系又冻又饿，有几次真系想
丢低佢一个人返屋企训大觉；不过见到佢个咁既死款，心里面又唔多忍心……始
终系自己撬走左人地条女丫嘛……而且佢又单身一个女仔，夜妈妈留低佢一个人
晌条街度，鸡雄又唔放心。
到左最后，鸡雄终於都顶唔顺，放胆行埋去拍下Ｊａｋｃｙ：「喂！男人婆，
大丈夫何患无妻丫，畀女撇之嘛，又唔系世界末日，驶死咩？」点知Ｊａｃｋｙ
仲系企晌度冇反应。鸡雄就企埋去，搵把遮遮住佢，一面又话：「咁大雨，会淋(责任编辑：admin)
本章未完，请翻开下方下一章继续阅读