「只有是但搵个地方过一晚先，到左听朝先再算……」
鸡雄谂左一阵：「地方唔系冇，不过就屈质Ｄ……」——
「哗！乜呢度咁臭架？」鸡雄一打开度门，Ｊａｃｋｙ已经畀涌出黎果阵酸
馊味薰到几乎想呕咁滞。
鸡雄一手推左佢入去：「将就下啦，依家着紧草呀，你估系渡假咩？」
呢间其实系晌鸡雄开工果间茶餐厅隔几个铺位既一间吉铺。间铺已经吉左成
年，里面冇水冇电，鸡雄就整鬼坏左后门个门锁，执乾净左一个角落头，铺左Ｄ
纸皮晌地下当系蛇窦。平时出开去送外卖返黎，都会匿埋晌里面蛇下王……
鸡雄摸黑点着枝蜡烛，又放低Ｄ岩岩晌便利店买返黎果Ｄ麵包零食同埋野饮，
跟手坐低挨埋墙边，向住仲企晌度犹疑紧坐唔坐低既Ｊａｃｋｙ话：「坐啦！你
唔系想企成晚系嘛？」
「呢度咁污糟？」Ｊａｃｋｙ皱哂眉咁慢慢住低。点知一坐低就摸到Ｄ野，
佢低头一睇，原来系本烂熔熔既「蛇猫狗」……中间仲夹住Ｄ黄琴琴，一阵除既
厕纸……
当堂吓到佢「哇」一声弹开。
鸡雄见佢个死样，叹左口大气：「你坐过黎呢边啦！呢度我平时训开，乾净
Ｄ既……」
Ｊａｃｋｙ唯有死死地气行埋黎，晌鸡雄旁边坐低，一面仲捏住个鼻话：
「听朝一早我就会打电话搵个Ｆｒｉｅｎｄ借钱，到时……」
「到时咪畀个皇帝你做啰！」鸡雄一句窒过去：「过左今晚先讲啦……拿，
食Ｄ野先啦，睇你个样都未食晚饭架啦？」自己已经搣开两个麵包，大啖大啖咁
塞入口。
Ｊａｃｋｙ拎起个麵包咬左两啖又放返低……
「乜野呀？」鸡雄见佢咁，又润佢：「好一餐唔好又一餐啦！唔通你仲想好
似平时咁叫外卖都叫鲍鱼捞麵咩？」
「唔系呀……我冇胃口，食唔落咋……」Ｊａｃｋｙ冇厘神气咁。
「又挂住Ｃａｒｏｌ牙？」
「嗯……」Ｊａｃｋｙ岳高头望住个天花板，根本冇理鸡雄：「佢依家应该
晌屋企，同爸爸妈妈好开心咁食紧晚饭……」
「你冇野丫嘛？」鸡雄见佢Ｄ表情古古怪怪咁。
「或者……」Ｊａｃｋｙ叹左口气，仲系冇理佢：「你讲得岩……我真系唔
应该咁自私，拖埋佢落水……」
「你……讲乜野话？」
Ｊａｃｋｙ自言自语咁：
本章未完，请翻开下方下一章继续阅读