住
死梗架喇，点知佢地又会晌最后一刻放返我？真系谂极都谂唔明。」
Ｃａｒｏｌ抖左啖大气：「如果我冇估错，应该系因为Ｊａｃｋｙ……佢一
定答应佢爹地即刻离开呢度，条件就系要佢爹地放过你。如果唔系，以佢既性格，
应该唔会咁容易向佢爹地屈服既……」
鸡雄当堂恍然大悟，不过又有Ｄ疑惑：「但系……点解呢？Ｊａｃｋｙ一向
都唔妥我架？」当然，佢唔敢话畀Ｃａｒｏｌ听，佢仲奸鬼埋Ｊａｃｋｙ呢件事
啦。
「其实Ｊａｃｋｙ份人好好架！佢晌电话度除左叫我同你道歉之外，仲话好
多谢你闹醒左佢……又话对寻晚发生既事一Ｄ都冇后悔喎……」Ｃａｒｏｌ有Ｄ
好奇咁问：「寻晚我晌电话同Ｊａｃｋｙ讲左分手之后，你地究竟发生左Ｄ乜野
事呀？」
鸡雄於是就将成件事讲哂畀Ｃａｒｏｌ听，包括Ｊａｃｋｙ点样冒住大雨晌
街度发癫、佢地点样避开Ｊａｃｋｙ老豆Ｄ手下匿埋，Ｊａｃｋｙ半夜发烧，同
埋佢地第二朝一出门口就畀人捉住既事……当然，冇讲中间佢扑左Ｊａｋｃｙ果
段啦。
Ｃａｒｏｌ听到原来Ｄ剧情咁曲折，听到Ｏ哂嘴：「好彩我唔晌度咋，唔系
实吓死我！」跟住又好担心咁问：「系勒！雄哥，咁跟住落黎你打算点呀？你怕
唔怕陈Ｕｎｃｌｅ再搵人对付你呀？」
「唉……」鸡雄叹左口气：「边担心得咁多丫！人地大有钱佬，如果真系想
杀左我，同禁死一只蚁有乜野分别喎？唯有见步行步呢……」佢又捉实Ｃａｒｏ
ｌ个膊头：「我只系担心你！我而家随时都有杀身之祸架，Ｃａｒｏｌ，为左你
既安全，我谂我地以后都系见少Ｄ……唔系，直头以后都唔好再见罢啦！」
你地信唔信都好，鸡雄呢几句话真系发自内心架！佢岩岩死过返生，可能真
系转左死性……
「唔制！」Ｃａｒｏｌ一野揽实佢：「雄哥，我锺意你！我唔会离开你！」
「但系……」鸡雄见Ｃａｒｏｌ对佢咁真心，都有少少感动：「我根本衬你
唔起喎！
你又后生又靓，屋企又有钱，仲系大学生添；而我就冇人冇物，读得书少又
一事无成，生得又唔系靓仔，年纪又大过你咁多……」
Ｃａｒｏｌ一味拧头，仍然好坚决咁话：「我唔理！我就系锺意你！你系我(责任编辑：admin)
本章未完，请翻开下方下一章继续阅读