我竟然发觉自己有左…」
鸡雄又吞左啖口水：「系…系我既？」
Ｊａｃｋｙ叹左口气：「我成世人只系同一个男人做过，唔系你会系边个？」
佢一讲完，Ｃａｒｏｌ当堂面色大变…Ｄ眼泪已经流紧出黎。
「Ｃａｒｏｌ…」鸡雄睇到心都痛哂：「我…我…」
Ｊａｃｋｙ又笑左下，轻轻捉实Ｃａｒｏｌ只手。
陈大富企起身，慢慢行埋鸡雄身边：「拿！你而家面前有两条路：一系即刻
娶左我个女，做我陈大富个女婿；一系继续行埋果日你晌码头未行完果几步…」
鸡雄吓到即刻退后左几步，跌左落梳化。
「爹地…」Ｊａｃｋｙ岩岩想开口，陈大富已经伸手截住左佢。
鸡雄个心十五十六，佢当然唔想死，但系要佢娶Ｊａｃｋｙ…
如果系几个月前，佢一定谂都唔驶谂就会答应娶Ｊａｃｋｙ！喂！做豪门女
婿喎？好过中六合彩啦！边个唔想呀？…况且Ｊａｃｋｙ个样其实又生得唔错…
只不过呢几个月鸡雄同左Ｃａｒｏｌ一齐之后，两个人已经爱到唔可以冇左
对方既地步…所以佢内心好矛盾…
「雄哥，」Ｃａｒｏｌ唔知几时已经坐左埋黎：「你娶Ｊａｃｋｙ啦…」
「Ｃａｒｏｌ，」鸡雄好焦急咁捉实Ｃａｒｏｌ对手：「但系…咁你呢？我
锺意果个系你喎！而且我知道你都好爱我架！」
「如果你唔应承娶Ｊａｃｋｙ，你会死架！」Ｃａｒｏｌ仆晌鸡雄个膊头度
大声咁喊。
鸡雄见到Ｊａｃｋｙ仲系毫无表情咁望实佢，急到成头大汗。
「你仲谂乜野？而家做我陈大富个女婿喎，几多人恨都恨唔到呀！」陈大富
又阴阴湿湿咁望下鸡雄：「抑或你真系想去游下水呀？」
鸡雄望下Ｊａｃｋｙ，又再望下身边既Ｃａｒｏｌ，终於下定决心，咬咬牙
企左起身，挺起胸膛向住陈大富话：「陈先生，系我对唔住Ｊａｃｋｙ，你想点
对付我，我都毫无怨言…」佢又拍下Ｃａｒｏｌ只手：「但系我同Ｊａｃｋｙ真
系冇感情，如果夹硬要我同佢晌埋一齐，盏大家都唔开心…」
陈大富即刻「哼」左一声，冷冷咁低喝话：「不识抬举！咁你即系想死啦！」
「当然唔系啦…」鸡雄已经打定输数，个心反而定左Ｄ，好冷静咁答：「有
边个人会想死丫？我当然亦都唔会例外！但系我已经辜负左你个千金，如果而家
要我再辜负多一个我爱既女人，咁
本章未完，请翻开下方下一章继续阅读